وزیر اعظم پاکستان سے بر طانییہ کے وزیر خارجہ کی ملاقات

2025-05-18 Hidayat-ur-Rahman Hoti

Read full news -

_PMO Press Release No. 151/2025_ *وزیراعظم سے برطانیہ کے وزیر خارجہ کی ملاقات* وزیراعظم محمد شہباز شریف سے برطانیہ کے وزیر خارجہ عزت مآب ڈیوڈ لیمی ایم پی، نے آج وزیراعظم ہاؤس میں ملاقات کی۔ جنگ بندی مفاہمت کو برقرار رکھنے کے لیے پاکستان کے پختہ عزم کا اعادہ کرتے ہوئے، وزیر اعظم نے کہا کہ پاکستان نے بھارت کے بے بنیاد الزامات اور بلا اشتعال جارحیت کے سامنے انتہائی صبر اور تحمل کا مظاہرہ کیا ہے۔ انہوں نے اس بات کا اعادہ کیا کہ اپنے دفاع کے حق کے استعمال میں، پاکستان کا ردعمل کی متناسب اہداف پر مبنی تھا۔ انہوں نے ہر قیمت پر اپنی خودمختاری اور علاقائی سالمیت کا دفاع کرتے ہوئے جنوبی ایشیاء میں امن کے لیے پاکستان کی مضبوط خواہش کا اعادہ کیا۔ وزیر اعظم نے ہز میجسٹی کنگ چارلس سوئم کے ساتھ ساتھ وزیر اعظم کیئر سٹارمر کے لئے اپنی نیک خواہشات کا اظہار کیا ۔انہوں نے پاکستان اور برطانیہ تعلقات کی مثبت رفتار پر اطمینان کا اظہار کیا اور تمام شعبوں میں دوطرفہ تعاون کو بڑھانے کی اپنی خواہش کا اعادہ کیا۔ برطانیہ کے وزیر خارجہ نے جنگ بندی مفاہمت پر وزیراعظم کو مبارکباد دی اور کہا کہ برطانیہ خطے میں امن و استحکام کے فروغ کے لیے تعمیری کردار کرتا رہے گا. _______